مشروع قصيده......... عيد ميلادك يا أمى
كل سنه وإنتى طيبه يا أمى
وسنين تروح وتيجى
وألقاكى واقفه جنبى
ومهما أروح وأغيب
دايما حضنك قريب
وحبك جوه قلبى
.................
يارب تعيشى ليا
سند ف الدنيا ديا
شبعت كتير أسيه
وإشتقت للحنيه
ومين هيحس بيا
وليلاتى يحمل همى
...................
لو كل الناس باعونى
وبجرحهم ظلمونى
عمرى ما أهون عليكى
ده حنان الدنيا فيكى
ومين غيرك يا أمى
ف الشده يسأل عنى
.............
ب تغربنا السنين
وب يجمعنا الحنين
ملناش غير حضنك إنتى
عليه متعودين
عمرك أبدا ماتهونى
مهما الطريق شغلنى
وإن عوزتى نور عيونى
أهديكى أغلى ماعندى
كلمات الشاعر محمد ثروت عبد الحفيظ
إرسال تعليق