اِنْتُوا الأُسُود
ــــــــــــــــــــــــــ
حَارِبْتُوا لاَجْلِ مَايْعِيش الوَطَــن
حَارِبْتُوا لاَجْلِ مَاتْعِيش الشَّهَامَه
يَا اللي حَيَـــاتْكُم التَّمَن
رَدِّيتُوا لِلوَطَنِ الكَرَامَه
اِنْتُوا الأُسُـود وَقْتِ المِحَن
يَا اللي كَسَرْتُوا المُسْتَحِيل
بِسُرْعَه قَضِيتُوا عَ الفِتَن
عَلَى كُل خَايِن أو عَمِيل
وَلاَ تِعْرَفُوا أبَــــداً مُحَال
يَا اللي بيِضْرَبُوا بِيكُو المَثَل
أبْطَال رِجَال أحْفَاد جَمَال
اِنْتُوا النُّــسُور فُوق الجَبَل
بِتِحْكِي المُرُوءَه وِالشَّجَاعَه عَنُّكُم
بِيِحْكِي التَّــــارِيخ بِيِحْكِي الزَّمَن
وِيَا وِيل مِن يِقَرَّب مِنُّكُم
نِهَايْتُه هَيْشِلْهَا في كَفَــن
فِي أَرْض وسَمَا لِيكُم عَلاَمَه
يَا اللي صَنَعْتُوهَا المَـــلاَحِم
مِن بِدَايةِ الخَلْق لِيُوم القِيَامَه
وَلاَ خَارِت لِيكُم عَـــــــزَايِم
ــــــــــــــــــــــــــ
كلمات الشاعر أحمد شاهين
----- مصر - أسيوط -----
إرسال تعليق