ماينفع كلام إِبلا تصدي
أصيح بصوت عالي
ولك صهيون
إلزم حدّك أنت ،،،هذا حَدّي
القدس أرض العروبة
قبلة للإسلام
وأسأل جَدِّك أنتَ
شسوّه جَدّي
أنا جدّي صلاح الدين
من إسنين جَدِّكُم ذَلّة جَدّي
قبلنا تتحدونه أعوام
وكل مرة نفوز إبْهَل التحدّي
صحيح هسه أحنه بوكت
معصوبة العيون
وصحيح هسه التشتت عدنه إفنون
وصحيح أنذال تحكم
بالعرب دوم
وصحيح بثيتُ عدنه السموم
بس عدنه الشعب يقبل تحدي
القدس ماهي أرض عاديّه للبيع
القدس هيَّ الشرف
ليش التعدّي
القدس
هيَّ القضية الأولى للأحرار
والأحرار تفرح بالتحدّي
أبو رؤى قاسم الدوسري
إرسال تعليق