تاهت كلمه و مش لاقينها
نص بلدنا بقوا ناسينها
والنص التاني مهما يعاني
مش عارفينها .....
اسمها عدل و لو لقيتوها
أو شوفتوها ......
روحوا قولولها أن ابوها
عم ( الحق ) هيطلع عينها
غايبه بقالها سنين و سنين
راحت فين؟ ماحنش عارفين
و اهو بسببها اتنين ف اتنين
مش زي ما احنا عارفينها
خلوها خمسه و ساعات تسعه
و خلوا طوافنا بعد ما نسعى
كرهنا الدنيا أو كرهتنا .....
و بقى تار بايت بينا و بينها
كلمة عدل ولو يوم رجعت ..
وسمعت بس أنين الناس ..
و أن عشانها بيموت خلق ..
و أن ( ابوها الحق ) انداس
و ان الدنيا ماهياش دنيا
و دايما ماشيه عكس عكاس
و ان الصبر معدش مكفي
واليأس جوه الأنفاس
و ان الفرحه ماتت حسره
لما شربنا المر ف كاس
كلمه عدل مش راح ترجع
طول ما هو بينا ناس انجاس
سيد صادق
إرسال تعليق