(صوت الفجر )
ـــــ ـــــ ــــــ
وصوت الفجر جاي يعلن
نهاية غربه جوايا
واهو معايا الحنين بايت
وبيقطع بواقي الليل
معاه الويل انا عشته
ووعدي لسه ماشفته
كأن الوعد مش مكتوب
يجوز العمر مش كافي
لقصة فصولها بالمحسوب
وصوت الفجر بيقرب
وانا بهرب
وبدخل جوه ف العتمه
خلاص مصبحش فيها نهار
منا تعودت ع الضلمه
وبلضمها
ف سبحة عمري حباية ورا حبه
يا سكة وراجعه خطاويها
ياقصة وحرفها موجوع
وعشق الليل بقى تاشيرة للدمعه
ومش سامعه
انين القلب من شوقي
دانا العاشق سواد الليل
ولون الفجر ف عيونك
ومين غيرك
يساعد قلبي ع الدقه
يجري الدم ف عروقي
وتجي النبضه تشتاق لك
وتندهلك
وانتي ساكته مش سامعه
ورافضه لقلبي حق رجوع
وشايفك جوا فنجاني
خطوط ترسم طريق ل حياه
تجمع شملنا تاني
وننسى الاه
واي فراق
كتير بشتاق
اشوف فيكي النهار مره
وهفتح باب لصوت الفجر
يصحي الشوق وهدعيلك
تكوني نسمة ويا شروق
يهل النور
يبان الفجر على ايدك
بقلمي ( احمد هلال )
إرسال تعليق