قصائد قصيره (20) بقلم السيدابوطاحون
*********
يبان حنان الورد في عيونك
وفي خدودك
ويرقص العصفور بين رمشك
وبين إيدك
قلب الولد اتولد يجري
على حدودك
كل النجوم حولت عيدها
ليوم عيدك
*********
صباحك صاحي بيغني
وجاب الفل بيهني
مع الياسمين وكان
الورد متشوق ومستني
*********
ومين غيرك يا الهامي
بيفتحلي بحور الشعر
وتصحى تلاقي انغامي
عيونها بوابات السحر
*********
يدوم الورد من قلبك
ويزرع كل بساتيني
يريحني هوى دربك
وحبك بس يكفيني
*********
وهنت عليك
تسيبني وحدي للامواج
وطول ليلي ونهاري
تدوخني عشان الاقيك
وأنا حلمي أعيش في ايديك
أموت في ايديك
وعند الغرقه
أتمنى اغوص في عنيك
فعلمني وفهمني وطمني
وخدني اليك
*********
قتلني الخوف
تسيب قلبي
اللي سكنته ف هوي قلبك
و داق الحب في حضنك
بدون عنوان
وبص وشوف
*********
لسه الخرفان كتير
لا وزير ولا مدير
اغرس كل الفسايل
نادي ع النيل وحايل
وقوله السمره حامل
و ما تسألش الغفير
*********
يعني ايه
قلبي اللي هام بك
تصلبيه علي نار شفايفك
كحلي الليل والستائر
حرري التوب اللي حاير
واسمحي للموج يسافر
وارقصي احلى روايتك
*********
ولا يبقى صباحنا صباح
من غير السحاب والورد
وقلب البنت كله سماح
وباين في عيونها الرد
*********
ويقف القلب يتنطط
من الفرحه اذا شافك
وطول الليل بيخطط
ويتلخبط مع كسوفك
*********
#قصائدقصيره ( 20 )
إرسال تعليق