كنت خايفك
كنت بهرب من حكايتك
قلت ابعد يمكن انسى
التقتني ف بعدي عنك
جنب منك
والخطاوي راجعه خلف
الف ذكرى تدور ف راسي
كنت بفرح لما يحكوا كتير بأنك
لسه عشقاني بكلك
والحكاوي في سطور العاشقين
بس عنك
ياللي سَنكَ لما يضحك
تضحك الدنيا معايا
والغناوي والموسيقى جات بفنك
دا لانك / لسه ساكنه القلب جوا
الف مشرط للطبيب
مش هيقدر ع اللي زيك
لو هيقطع ف وريدي
يلقى دمي هو دمك
وانتي ليه بارده ف مشاعرك
كل همك / هما كام كلمه ف جواب
قلتي فيهم اه بحبك
ولا صوره جتني منك
كنت ابات نايمه ف حضني
واشتكيلها تقوللي اسَامحَك
بلقى نهر دموع في صورتك
اقعد احكي ليكي عنك
يجي صوتك من بعيد
اسمع الرد ف وداني
انت روحي ونور زماني
ومش راح ابعد تاني عنك
كنت اصدق الف كدبه
تكدبي بيهم عليا
واللي بيا /هَمَ زاد وكتير اسيا
وانتي شاطره يا قويه
تجرحي ولا عدش ديه
يظهر انك
لسه مش عارفه اللي بيا
وان ليلي زاد شويه
عن ليالي العاشقين
المغرمين / الحالمين
النهار عندي بيفتح
لما بسمع كلمه منك
لما شوفتك
علموني ودربوني ازاي اعوم
ايه يغرقني في بحرك
رغم رجلي يدوب ف شطك
كنت خايف .. !
كنت خايف .. ! من عيونك
من رموشك والشفايف
كنت خايف ميتك لامترونيش
كنت خايف اموت ف حبك
ولا حتى إني اعيش ..!
كنت خايف من لقاكي
ولا قلبي لما يتعلق معاكي
قلبي عارفه انه ضعيف
لما يتشعلق ف خيط من وهم
يطلع في الرديف
كنت خايف سهمك انتي
شوفتي ليه انا قلبي خايف
رغم دا كله بحبك
مش راح اقدر يوم افارقك
بقلمي ( احمد هلال )
إرسال تعليق