حلم
،،،،،،،،،،،،،،،،،
شوفتك مرة يوم فى منامى
عروسة جميلة ولابسة الطرحة
ماسكة ف ايدى وكل امالى
املا حياتك حب وفرجة
وشوفت طيور فى سمانا بتغنى
وشوفت زهور حوالينا بتهنى
ودى نجماية هناك ف العالى
م الفرحة بترقص وتلالى
وادى قمرنا بيسهرنا ويعيشنا احلى ليالى
ولقيتنى بقول دا مش معقول
واتمنيت الحلم يطول
،،،،،،،،،،،،،،،،،،
وفجاءة لقيت اودامى انسبة
حلوة وطعمة ولسه صبية
فارده ايديها ليكى وليا
ف وسط طريق مفروش حنية
خدتنا وراجت على بستان
كل زهوره عبير وريحان
وشوفت سفينة ف بحر حنان
واننى الدفة وانا القبطان
قولت يا روحى دى هى الدنيا
ناوية تخلى حياتنا امان
ولقيتنى بقول دا مش معقول
واتمنيت الحلم يطول
،،،،،،،،،،،،،،،،،،،،
وانا جوا الحلم صحيت من نومى
لقيت اودامى احلى عروسة شافتها عنيا
قولت دى هى اللى ف احلامى
كانت ايدها ماسكة ايديا
وحمدت الله ع الاحلام ،،، اللى بتتحقق بعد منام
وكاءن الحلم حقيقة وعلم ،،، وعلى اهلها روحت اوام
طلبت ايديها ،،، قالوا موافقين
ونكتب يالا بعد يومين
وكتبنا كتابنا ،، وعلينا جوابنا ،، وعشنا من العمر سنين
وادى ولادنا خلفوا احفادنا ،،، وبقينا نتكلم بالشين
ولقيتنى بقول دا مش معقول
واتمنيت الحلم يطول
كلماتى ،، محمد نبيه المرصفى
إرسال تعليق