أوهــام الــنت
،،،،،،،،،،،،،،،،،،،،،
فتحت مرة فى يوم النت
قابلتنى عليه اجمل بنت
شوفت صورتها قولت الله
سبحان الخالق فى علاه
قولتلها هاى ممكن نتعرف
قالت طبعا انا اتشرف
قولتلها قوليلى يالا اوام
اسمك ايه وعمرك كام
قالت اسمى انا ياسمين
وعمرى اتنين بعد العشرين
قولى ياروحى انت كمان
اسمك ايه وعمرك كام
قولتلها اسمى ياحلوة هشام
وعمرى بعدك تلات اعوام
يالا بقى ويا كلامنا نفتح
« كام »
قالت خليها بعد شوية
لما بابا يبقى ينام
ولا اقولك نتقابل بكرة
ويبقى ميعادنا سته تمام
واشوفك فى كافيه الاحلام
واهو احسن من نت « وكام »
روحت وقعدت استناها
متشوق اشوف حلاوتها
لقيت عجوز جاية عليا عمرها اكتر من سبعين
شعرها ابيض ومكتكت
وعامله فيه ضفيرتين
بصتلى وقالت انت هشام
قولت ياساتر ،، انا روحت خلاص فى خبر كان
قالت رد عليا اوام
قولت مش انا صدقى يامدام
مسكت موبايلها وطلبت رقمى وملحقتش اقفل الجرس
ورن الجرس لقيت حواليا
اتنين جايباهم ليها حرس
قالت هاتوه وتعالوا بسرعة
ع الماذون
قولت ياحوستى مفيش غير انى اعمل مجنون
وفضلت اتشقلب واعمل حركات
واقول انا القرد ميمون
شافت كده قالتلهم يالا بينا
دا باين عليه مجنون
وادى اخر معرفة النت كلها اوهام
لا تصدق راجل ولا بنت
ولا حتى تصدق اى كلام
واستعمل فيسك فى حاحة مفيدة
تعود عليك بفايدة اكيدة
ولا تمشى تانى ورا الاوهام
كلماتى ،، محمد نبيه المرصفى
إرسال تعليق