عم ياعم...... اصحي ياعم
رمضان جه ماتشيلش الهم
عم ياعم
شهر صيام وقيام وعباده
فيه الخير والبركه زياده
اوله رحمه واخره سعاده
ياعم ياعم
شايف الزينه ف كل مكان
دا مافيش بيت مافيهوش
فوانيس
شايف الناس فرحانه ازاي
بيزفوه وكأنه عريس
عم ياعم الرؤيا اهي بانت
هل هلاله ونوره اهو بان
قوم نتعشي عشان نتمشي
وتجيب لينا فانوس رمضان
عم ياعم
قوم نتوضا عشان ح نصلي
بعد العشا في صلاة تراويح
توب واستغفر هلل كبر
زود كتر في التسابيح
شهر صيام وقيام وعباده
فيه الخير والبركه زياده
اوله رحمه واخره سعاده
ياعم ياعم
ياللا عشان ح نصلي تهجد
صحي الاهل وصحي الجار
دا احنا دخلنا ف اخر عشره
وايام عتق رقاب م النار
اياك تنسي واوعي تنام
عم ياعم
و اقرا ياعم كتير قرآن
عم ياعم
وافضل ادعي لحد الفجر
اطلب عفو اطلب غفران
واطلب عتق كمان م النار
يمكن دي تكون ليلة القدر
ياعم ياعم
بقلمي \ مجدي احمد محمد
إرسال تعليق