اغنية كفايه ياطير
مهداه الي ابنتي ف الغربه
ياطير ياطاير ف السما لف وارجع الينا
وارخي جناحك عندنا. وانزل ودور علينا
ياطير ياطاير ف السما
بعدك علينا زاد وزاد
وقلبي داب م البعاد
ومهما تزور كل البلاد
مش هتلاقي ياطير وداد
ولا الاشواق اللي ف عينينا
ياطير يا طاير ف السما. لف وارجع الينا
دا الغربه ياطير عليك مريره
وقلوبنا تايهه ف شوق وحيره
ومرت عليك سنين كتيره
وانت ياطير بعيد علينا
ياطير ياطاير في السما
لف وارجع الينا
احضن قلوبنا والمس ايدينا
وعيش معانا وكل عشانا
دا انت ياطير نور عينينا
يا طير يا طاير ف السما
لف وارجع الينا
ليه ياطير تسافر بعيد
وتهجر ليك حبيب وحيد
دا انت هلالك علينا عيد
ليه ياطير تبعد علينا
كفايه ياطير عليك بعاد
وارجع لعشك ف البلاد
هتلاقي عشك نوره زاد
يوم عينيك تحضن عينينا
لف ياطير وارجع الينا
وارخي جناحك عندنا
وانزل ودور علينا
ياطير يا طاير ف السما
وهبه البوهي
إرسال تعليق