أنا طفلة شقية
زى القط بينط
على حجر الجنية
عيونى لون عيون
قطتى بوسى الجنية
برقص سلو وبلبس
طرحت ستى هنية
وقول لامى هاتى لى أغنية
هزة يمين وهز ة شمال
والكل قاعد
فرحان
ماأنا فرحة البيت
لجدى سعيد
وخالى وحيد
بس أنا لسانى
طويل شوية
وستى بتقولى اسكتى هجبلك هدية
إية هى
ورقة وقلم
قصة خيال لطفلة شقية
الله ياستى
ومين يحكى ليا
أنا أو ماما يانور عنية
ستى ياستى
عاوزة كمبيوتر صغنون
علشان خيف عليا
وشوف عليها جنة الآطفال
وقصص الخيال
علشان أبقي غنية
غنية؟إزاى يالوزة؟
يعنى ياستى
عارف كل حاجة
فى الدنيا دى
واروح المدرسة
وطلع دكتورة بشرية
يارب لوزة الحب
اشوفك عروسة جميلة
ودكتورة عظيمة
بقلم
إلهام عبد التواب
إرسال تعليق