** محاولة..
متبعديش' هابعد أنا' ...
من بكرة , مش رح اكون هنا...
هابعد عن الخوف, والألم ,
والذّكريات المحزنة.
هاروح مكان لا عمره يوم' حضن هوانا...
ولا ف رحابه ضمّنا.
مكان بعيد, محصلش فيه 'مشهد وحيد ...
من حكايات حبّنا.
مكان بعيد' مفيهوش بشر , ولا عيون...
تشاركنا فيه, لحظة سعادة, أو ضنا.
مفيهوش ودان' تسمع عتاب..
لو يوم عاتبنا بعضنا.
مكان جديب' بدون شجر' زىّ اللّى كان...
تحت السّما ' بيرمي ضلّه ع الرؤوس..
وبين فروعه' يضمّنا.
مفيهوش زهور' فاكرة زمان ...
لمّا اشتريت لك , وردة حمرا...
وانتى ادّيتينى ,سوسنة.
مفيهوش مطر ' زيّ اللّى كنّابنجرى منّه...
وهوّ كان' ويّا الشّوارع, والميدان...
كمان بيغسل قلبنا.!
مفيهوش رمال, ولا شطوط, ولا خيوط...
تغزل حكاية من حكايات عشقنا.!
ولا نهر سارح, ولا مسارح...
ولا المطاعم, والقهاوي, والمطارح...
اللّى عاشت حلمنا.!
مكان رهيب' مفيهش صوت,
مليان سكوت...
فيه الحياة عايزة تموت.!
لكن تموت مطّمنة.!
مكان عجيب' مفيهوش ألم,
ولا آهات, ولا ندم...
ولا ذكريات' ولا أيّ لمسة حنيّنة.!
مكان بعيد' مفيهوش مشاعر...
حبّة تنقص أو تزيد.
فيه القريّب , والبعيد'
فيه المستحيلات ممكنة.!
******
ولو فشلت' مش رح أنام...
هارجع قوام...
أدق بابك...
هتقولي : " مين" ?
هاقول. : ......................"أنا".،
صبري على
إرسال تعليق