يا خالق الخلق لغيرك منشكيش
الخلق تعبت والغلبان كيف يعيش
كل المصالح عايزه شاي أو بقشيش
من غير رشوه مصلحتك ماتمشيش
حللوا الرشوه وسموها......بقشيش
ناس خاينه من غير الحرام متعرفش
تعيش
الغلبان داب وشبع........... تلطيش
وعالم حراميه تخاف ولا تختشيش
غلا وجوع وغير المر الغلبان ميلاقيش
آه يا وجع لما الأكل يبقي أغلى من
الحشيش
يمكن تلاقي الحشيش وسكر وأكل
متلاقيش
أمتي يبقالنا قيمه ويبطلوا لينا تهميش
عيب عليكي يا دنيا كفايه في الغلبان
تلطيش
بفلوسنا الحراميه ركبوا على ظهورنا
من لندن لأمريكا ويصيفوا في باريس
أدفع الضرايب يا عم لأحسن غير السجن
متلاقيش
حتي لو هتبيع عيل وتدي التاني بقشيش
لأن السجن ضرب وإهانة وموت وتحريش
وكل ده علشان شوية ملاطيش
وأوعي تجيب سيرة واحد سرق
ولا القاضي إللي تاجر في حشيش
لأحسن تروح في سكه وتاني متجيش
دول ورقهم مرتب واللي ليه ضهرمش
زي الحرافيش
جوع يا حرفوش علشان أسيادك
في البنوك ميبطلوش....تحويش
يا ناس فوقوا وبطلوا ..تكويش
الغلابه عايشين في........الطل
وبيوتهم بقت من غير تعريش
يا خالق الخلق لغيرك مانشكيش
يا لغير ربك ما............ماتبكيش
دهو إللي خالق الخلق وبالغلابه
حاسس وبيهم مانسيش
إرسال تعليق