قبل أما أشوفك حبيبى
قبل أما أشوفك حبيبى
لىَّ عندك كام رجاء ؛
لو لقتنى ساكت أسكت ؛
وأما أبص لعينك قول ؛
لو لقيت الدمعة نزلت
سبها تنزل ؛
لو منعت الدمع ينزل
تلقى بعده فى سيول ؛
لو مسكت إيدك سيبنى ؛
مش طالب منها كتير ؛
هى بس لحظة واحدة
أستعيد كل اللى فات ؛
أستعيد شريان حياتى
أستعيد دمى اللى مات ؛
سيبنى أمشى بحور عنيك
سيبنى أرسم لوحة ليك
سيبنى أنسى كل حاجة
وأستعيد حياتى بيك ؛
سيبنى أرقص سيبنى أغنى
سيبنى أعيش الدور وأدندن
سيبنى أشوف الدنيا مرة
مشفتهاش من غير عنيك ؛
أنا عايزك لمّا أجيلك
تبقى مستنى وقاعد ؛
عايز أشوفك من بعيد ؛
عايز أمشى خطوة خطوة ؛
ميهمنيش أبقى سعيد ؛
عايز ألمح نظرة عابرة
مع ميلة الوش المفاجأة
مع إنه عارف إنى جىِّ ؛
وأما أقرب واحدة واحدة
أشوف ملامحك متقسمة
كنور الشمس ف أول ضى ؛
تبقى قاعدة بدون كلام
أفضل أتملى ف عنيك
وأسرح ف دروب الغرام
أخطف منك لقطة واحدة
بصمة لعينى مدى الحياة
وأبقى عشت برده لحظة
أنسى بيها ماضى تاه ؛
بقلم "محمد الخضرى "
إرسال تعليق