لمّا غابت عنى ساعه
...................
لمّا غابت عنى ساعة
قُلت أهى بتتقل علىَّ
ولمّا ساقت ف اللكاعة
قُلت التُقل زاد شوية
ولمّا نفد الصبر منى
وإبتديت أقلق عليها
القلب زاد الدق فيه
ودمعى قام يعتب علىّ
قلت ياد تبعت رسالة
لازم تعرف أية العبارة
الحكاية فيها إنّ
بس إنت عايز أمارة
ياد يكون فى مشاكل
أو زعلانه دا إستحالة
إدعى ليها تكون تمام
وأصبر وإتحمل شوية
فجأة جاتنى الرسالة
مجيتش تطمن علىّ
إنت لو بتحس بىَّ
كنت عرفت إنى بموت
الكلمة جت مفاجأة لىّ
ولولا هىّ طمنتنى
كان زمانى شبعت موت
إسودت الدنيا ف عينى
والوجع ف قلبى زاد
مهما كان مرضك حبيبتى
قلبى أعلن الحداد
إنتِ أغلى من حياتى
إنتِ بالنسبة لى زاد
يا ريتنى ما سمعت صوتك
ولا كنتِ تردى علىَّ
بقلم " محمد الخضرى "
إرسال تعليق