{{ مليون باب }} بقلـــــم الشاعر عرفات الامير

دنياوليها مليون باب
دنيا وخالية م الاحباب
فاتك سهم وواحد صاب
تسمع منه تقول كداب
حتي الهدمة لونها اهم داب
لابس شبشب ولا شراب
حتي الضحكة بتكشف ناب
لمايعوزك احنا اصحاب
خلصت حاجته أين الباب
خد سكرها وسابها خراب
نبح فيها بعده كلاب
إللي يقلك يلا شباب
نقرأ نفتح الف كتاب
نبني مدارس وكام كتاب
طيب كيف والشعر أهو شاب
بلدك فيها كام نصاب
كام مليون البخت اهو خاب
كام خريج لعان سباب
==================
تحب اشرحلك الاسباب
أولها/العيشة دي هباب
تانيها/كبيرها حرامي نهاب
تالتها/ضميرالشعب أهو غاب
رابعها/فول ولا كباب
خامسها/شمسة ولا الكاب
سادسها/سافروخلاص غاب
سابعها/علي زمنه اهو عاب
تامنها/نصيبه كان غلاب
تاسعها/ليلي ولا رباب
عاشرها/كوسة ام لبلاب
================
اولها/تلبس شعر ولا نقاب
تانيها/ راح تفضل سماها ضباب
تالتها/يقلك الهوا غلاب
رابعها/حكمك قاسي يابو سنجاب
خامسها/غليت الفضة وياالدهب
سادسها/نشفت البقر الحلاب
سابعها/جبت عاليها ف القلاب
تامنها/لاخليت سكر ولا جلاب
تاسعها/الامل ف عيني بقي سراب
عاوز تاني كدا اسباب