خرج من جواك اليأس وكون متفائل
واعمل من أحزانك فته وخليك عاقل
دا مافيش وضع بيفضل دايم أو على حاله
واللي بيحصل لك مش قالوا / إنه رسائل
كبر راسك وإحمد ربك إنه بليك
أصل الخالق لما يحبك بيخليك
ديما فاكره وبتلجآله وقت الشده
فينورلك قنديل رحمة ويعديك
اوعى تقول انك متاخد أو قلقان
اوعي تقول انك مش واخد تبقى جبان
اصلك لازم تعرف انك عقل الحكمة
وإنك مخلوق تقدر تتصرف ب إيمان
خد من صبرك عكاز للأيام الصعب
واعرف ربك وقت الجد و وقت اللعب
خلي الجنه أُدام عينك وأبقى إتمنى
تبقى الدنيا في ايدك اكتر مش القلب
إرسال تعليق