{{ الخيانه مش فى دمى }} بقلم محمد حجاج

الخيانه مش ف دمى
الخيانه مش ف دمى
ونهى عنها دينى
وحب وطنى
أمرنى بيه ربى
الجوع بينهش بدنى
جواى نزف دمى
والغلا بيقطع لحمى
وصراخ ولدى
صم ودنى
وقطع قلبى
بدور على شغل يعيشنى
ويسد رمق ابنى
مافى حد راحمنى
ولاراحم ولدى
ضرايب مافيهاش هزار
وأسعار نار النار
بطلب الصبر م الجبار
ويثبت قلبى
على حب دينى وبلدى
كفايه بقى
افتحوا المصانع وشغلونى
وبأقل راتب راضونى
هدوا حيلى
ماترحمونى
عشان أربى ولادى
وأوعوا تسبونى
أشحت ولاأسرق
ولاأخون دينى وبلدى
أرجوكم ماتعذبونى