{{ بحبك يابلدى }} بقلــــم جبريل رضوان

بحبك يابلدى
واديكي روحى
واداوى الامك
والملم جروحي
واوعي لغيرى
بسرك تبوحي
وبانسي الامى
وباكتب حروفي
واحاجي عليكي
بقلقي وخوفي
وعايش وراضي
برغم ظروفي
ااااااااااااااااا
بحبك يابلدى
وحبك ف دمي
علي ارضك انتي بيزرع
ابويا وخالي وعمي
ياغاليه عليه يابلسم
جروحي وياشايله همي
وبادعي لربي يحفظ
ولادك واكبر واسمي
بنبعد يابلدى ونرجع
لحضنك وتجرى تضمي
ولو فرقونا او بعدونا تحوطي
علينا بايدك تلمي
يانبض العروبه ياشايله
الوجع يابويا وامي
اااااااااااااااااةةة
بحبك يابلدى
وباعشق ترابك
قوللى يابلدى
ايه اللى صابك
ومين اللي عايز
يابلدى خرابك
ومين اللي باعك
ومين اللى سابك
واللى بيرجع مادله
ايدك وفاتحله بابك
حتعلي بدعوة شيوخك
وخيرة شبابك