{{ دمعــــــة أنيــــــن }} بقلم الشاعر المصرى احمد ابراهيم

دمعة أنين متفرقه على خد عمري اللى تسرق
جبل الهموم
نازل على جبيني عرق
ضحكة ف ملامح ميته
جواها شاب حلمي و هلك
ابنك انا ولا ابن مين
صرخة أنين والموت بداء
نكراني ليه
نسياني ليه
تعباني ليه
اجهضتي حلمي اللى اتولد
أصبح شهيد
ضيعتي فجري اللي اتخلق
ونهار شريد
انا ابن مين؟ إنسان لقيط
ضايع على دروب الزمن
انا ابن مين اتكلمي
طال السكات
طب ليه بأيدك تألمي
جسدي اللى مات
بين سكاتك حلم ضايع برسمه
بلون السواد
صفحة كتاب متوسخه
ملعون أبو أم السكات
ده الدمع فاض
والحلم مات
طال السكات
اتكلمي انا ابن مين
ااااااااااااااااااااااااااااااااه متألمه
وردة امل ومدمعه بتسألني مين
مين انا طب مين انا مين انا انا ابن مين؟