{{ شيرين يافرس الجميلة }} بقلم الشاعر جمال الشرقاوى

نفسي شمس الحب
تشرق من جديد
نفسي اتهنى بحياتي
نفسي تتبدد اهاتي
وأرجع أفرح زي طفل
في يوم العيد
نفسي الشمس تحرقنا
و يدوب وش النفاق
ويظهر وشنا الاصلي
نعيش الدنيا بوفاق
زي أيام الطفولة
عمرها ما عرفت نفاق
نفسي نشرب ماء زمزم
ترجع قلوبنا نقية
والا نشرب منه حبه
ترجع الصحة عفية
بس كيف يقبلنا ربك
واحنا بنحج بنفاق
نفسي نرجع آدم وحوا
من جديد
ننثر بذور المحبه
نجني الرضا عناقيد
نفسي شمس الحب
تشرق من جديد