بنظرة عين ْ
.
هعيش علي امل اليوم واللقا
بنظرة عين سحرتيني
بنظرة عين خطفتيني
قوليلي
انتي روح من الجنة
اتكتبت في تكويني
عشان اقابلك نكلم بعض
اشوف وشك يجيلي السعد
من ساعة ما بحت بالسر
روحي راحت مني
ووواقفة هناك عن بعد
بتترقب ليوم ما نتقابل
لنظرة حلوة من عينك
تلملمني تبعثرني
توديني
تخليني
انام واصحي علي صوتك
ونظرة عين تخليني
يطير النوم من عيني
سعيد انك في حياتي
ولا تتصوري فرحتي بيكي
يا رب منك ما اتحرم
ونكون جماعة
ونصلي انا وانتي في الحرم
انتي روح جميلة من نبع الكرم
انتي نور الدنيا
وبهجة حياة
من لحظة ما شوفت عيونك
العقل راح مني وتاه
انتي الحمي وطوق النجاة
ياريتني شوفتك من زمان
كانت حياتي اتغيرت
يا بخت اللي بيشوفك كل يوم
يصطبح بوشك
انتي ملاك من السما
والحمد لله كنت انا
اشوف عيونك كل يوم
تجنني يطير النوم
بقولك فيه احساس ليكي جوايا
انتي روحي ومنايا
مصدقاني
وهل انتي حاساني
فقولي اه
او تقولي لأ
كلامك عندي شهادة حق
انا دايب بنظرة عين
اروح منها يا ناس علي فين
انا المجني
وانت الجاني
خلاص اصبحت جلادي وسجاني
فرحمة من عيونك تخليني
اعود للدنيا من تاني
ياريتك تكوني حاساني
باحساسي اللي جوايا
بقلمي
مهندس /أحمد عبد الله والي
إرسال تعليق