توبه إن كنت أحبك تاني
يا اللي ف حبك كنت أناني
عشت العمر ده كله عشانك
وإنت عشاني ما عشت ثواني
يا ما سهرت الليل أناديك
ويا نجوم السما وقمرها
واهب قلبي وعيني أنا ليك
وإنت النطره مستكترها
توبه إن كانت تسهر عيني
وللا أسهر قلبي ليلاتي
توبه أفكر ف اللي ناسيني
واللي تملي عاجبه أهاتي
ياما ف قلبي الشوق خبيته
وياما الجرح ف قلبي داريته
كاس الظلم أنا دقته ليلاتي
م اللي عشقته أنا وحبيته
توبه إن كنت أصدق كدبك
وللا أصدق رمش عيونك
توبه إن قلت يا روحي بحبك
بس تملي ف قلبي هصونك
توبه إن كنت أزور أحلامك
وللا أصدق تاني كلامك
يا اللي وعدت القلب بحبك
واستخسرت ف قلبي غرامك
رضا أبو الغيط
إرسال تعليق