الوش التاني بقلم فهد النحراوي

،،،،،،،،،الوش التاني،،،،،،،،،،

تقولش جوز بلابل
وكلام رومنسي عالى
يحيي ورد دابل
وكأني ليها غالي

غلبانه اميره وحبوبه
واخاف لو مر ازعلها
امشير دخل ف طوبه
ياغلبي غالب ف غضبها

الحاجب يقلب سبعات
وخطوط جويه ع الجبهه
وعنيها تقلب اشارات
وخطر واتلخط ف الربكه

يكنش اتبدل بأخوها
طاب مجوز راجل عصبي
ماهو خالها يمكن لا ابوها
والمظهر ست يا فكري

يكنش العملاق الاخضر
يتحول ويشق هدومه
والعيش الحلوه بتتمرر
مش عارف ايه بس لزومه

استهدي ياستي وبالراحه
والخاطر حاضر على عيني
حاجه تجنن بصراحه
اتاريها بترسم على جيبي

بقلم فهد النحراوي

مش كفايه تكشيرة الوالد