طبعا عارف
,,,,,,,,,,,,,,,,,,,
الممنوع ف الحب الغيره
والتبويزه والتكشيره
ممنوع أكدب جوى كلامى
ولما أسافر صورتك
تلازمنى ف أحلامى
ولما أنام أحس بنفسك
بين أحضانى
وأسمع صوتك جوى ودانى
وأقفل عينى وفيها ملامحك
وأصحى وصورتك لسه قصادى
أحبك طبعا وقلبى أنا عاشق
وحالف عهد أنو يصونك
وكل كلام قلمى فقصيدى
بيكتب أسمك يا ضيا عينى
بيكتب أنك عمرى وروحى
وعمرى فداكى ياوطنى وسكنى
وكل ما ليه فى أيامى
أسمك ناقش كل حروفه
جوى وريدى وراسم
صورك جوى عيونى
تجرى وتسرى دم فى جسمى
ونبض لقلبى يحي
يدب يعيش باقى حياتى
طبعا عارف الممنوع
المكتوب والمسموع
ممنوع أنى أبكى عيونك
وعمرى لحبك يوم راح أخون
وكمان عارف أنك قدرى
وأنتى القسمه والمقسوم
,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
إرسال تعليق