GuidePedia
انتي بجد بتحبيه
والا دي عشرة وشئ معتاد
انتي حقيقي مشغوله بيه
والا مجرد ملح وعيش
وحياة أصحاب
هي اخوة والا صداقة
والا ظروف عشتوها وبس
عارفه انا بحسد كل ظروفك
واما اشوفه بيكي بيحس
كل مااشوفك جوا عنيه
لما يجيكي يطمن خوفك
وقدام عيني قلبك ليه
بسمع صوتك جوا سكوتك
لما ينادي كفايه بعاد
والمح نظرة جوا كسوفك
لما تلفي ويا دماغك
احسن المح شوقك ليك
مع اني انا جوا عنيه
ومطمني دايما ليه
كل مااطمن روحي بحبه
أرجع أقرا جوا حروفك
كل موده وعشق وحب
ولما قصادك انا اجيب سيرته
عنيك تلمع وترسم صورته
واشوف روحك راحت جنبه
ينزل قلبي لسابع ارض
اقلق تاني من خوفي عليه
ياللا قوليلي كل ده ايه
هو ده حب
انتي حقيقي مشغوله بيه ؟
مع انه بياكد لي بكل مافيه
انه حبيبي
وانه اكيد نن عنيه
واني اكيد اللي بداويه
بس قوليلي حقيقة حبك
انتي بجد بتحبيه ؟
يعني عاشقه بتحلم يوم تلاقيه
والا دي عشرة وشئ معتاد
والا مجرد ملح وعيش
قولي صارحيني ومتخبيش
Top
إرسال تعليق