عيبى و مش عيبى
عيبى انا ف جيبى
و ف باشا اسمه جنيه
من ايدى متزفلط
مسخوط و متعفرت
بالجهد لوتلاقيه
لو تمسكه يهرب
لو تفقده اشرب
خد م اللى بالك فيه
و لا يبقى ليك منظر
و لا حتى تتعبر
و معاه تكون البيه
الكل يندهلك
و يكون خدم اهلك
و الدنيا تبقى (سوسيه)
تبقى كما الباشا
و الدنيا تتماشى
و لا حد يسأل ليه
و ان ضاع تضيع هيبتك
و الناس تدوس شيبتك
و تقول عليك أخييه
و لا حد يسمع لك
ولا جنبه يسمح لك
تقعد لا يوم تعديه
رافت المصرى
إرسال تعليق