ليل الغربه
ياليل الغربه ليه تقسى على العشاق
سنين فاتت وانا ف وحده بفؤاد مشتاق
ولحظات الفراق صعبه ونار الهجر ده حراق
ياليل فين الوصال فينه وايام اللقاء والشوق
حبيب والضحكه فى جبينه بتضوى كشمس عند شروق
خيوط الكحل فى عيونه مرسومه بخفه وذوق
سهام قتاله فى جفونه بتقتلنى بكل هدووووووووء
وااه من رنه الخلخال بيشجينى ويطربنى كأنى سكير
وله نغمه كما الموال واسرح فيه بدون تفكير
جمالها مضرب الامثال رموشها فيها سر خطير
ياليل الغربه قربنى ماتبعدنيش ده انا فى الحب قلبى ضعيف
ده انا حتى ف احلامى معاها باعيش وكل امالى اعشقها بحب نظيف
وهى روحى وحبيبتى وغيرها ماليش وعشق يمر بخيالى ك الوان طيف
ياليل الغربه نور لى طريق دربى وسيبنى اعيش مع روحى
ده هى فى الغرام حبى طبيبه لحزنى وجروحى
يارب احفظها ياربى دى هى املى وطموحى
شعر احمد اسماعيل \شاعر العرب
إرسال تعليق