السيد قراره عبد الجواد ( جزء ثاني ). * حسني الجنكوري

السيد قراره عبد الجواد ( جزء ثاني ).
..
- ليه بتقول كده ياسي السيد...ربنا يخليك ليهم ويعيشوا في حمايتك واسمك.
- انا لما بنقابل حد يعرفني ويجيبلي سيرتهم بنقول يا ارض انشقي وابلعيني من فضايحهم.
- دي ولادك ياسي السيد هم اسياد البلد...وبيلعبوا بالملياران واساميهم علي كل لسان...ينقطع اللسان اللي يجيب سيرتهم برضي.
- يا امينة انت ست علي نياتك..نايمة علي ودانك ما تعرفيش في حاجة غير الطبيخ...وعيالك اللي مقشطينك اول باول.
- وماله يا سي السيد دول لو اخدوا عنيه وكل اللي حيلتي مش خساره فيهم.
- انت لما بتوقعي يا امينة مش بتلاقي حد منهم جنبك...اللي ماحد منهم جاب لك دكنور يكشف عليكي ويعالجك..ولا يشتري لك العلاج...عيالك دول جزم قديمة...عوضنا علي الله فيهم. ولسه ح تخلفي لي تاني؟؟؟!!
- حلفتك يا سي السيد بالطاهرة وسيدنا الحسين ما تكسر بخاطرهم.
- اسمعيني كويس يا امينة....اللي في بطنك ده لازم تنزليه...انا ما خلفش ولاد عند فيه...عقلك في راسك تعرفي خلاصك.
- لا والنبي بلاش يا سي السيد ده انا كنت ناويه اسميه علي اسمك.
- وح تسميه ايه ان شاء الله؟؟؟!!
- ح اسميه السيد قراره عبد الجواد علي اسمك.
- اااه...تبقي تسميه في بيت اهلك هناك..انت طالق يا امينة.
..............................( حسني الجنكوري ) .