{{ مين فينا نزلت دمعته }} بقلم الشاعر جهاد بدر

مين فينا نزلت دمعته
و مين اللى تاهت سكته
ماسك طبول ماسك دفوف
زى الأفاعى جِه يحوم

يعطّش شويه لهجته
و رتوش نفاق فى كلمته
و شويه طاير فى السما
يدخل بيوتنا بسحنته
هامسك رموتى و افصلك
غيرت مودى يلعنك
ياللى معاهم يوم ببرنُص
و يوم عليهم وشويه ترقص
إسمع يا هذا كلمتى
الكلمة تمسح دمعتى
دا المبتدأ قبل الخبر
ياللى بنارك تبتدى
خبط على كل الحيطان
عطشانه زرعه فى الغيطان
كمل كلام قاله شيطان
يمكن تغير لهجتى
لا انا جاى اقولك مصر أم
و لا ابكّى صوتك وسط دم
أنا جاى اقولك كلمتك
للرفعه أو للفقر هم
للجنه أو لعذاب أليم
لو كنت تقدر قول يا عم
و سيبنا نغزل للمليحه
بكلمه حلوه مش بغم
يمكن نداوى قلوب جريحه
و الغم عمره ما كان أصم
............................