نهايه حكايه&
بقلم:أحمد عبدالباقي
*****************************
توته توته
انتهت كل الحكايه
خلصت خلاص الحدوته
لكل حكايه بطل كسبان
إلا حكايتي أنا وياكي
كنت أنا فيها
كتير خسران
هي سيناريو
لفيلم رومانسي
وبدايته كانت صبحي وأمسي
ومشاهده كانت أنا وانتي
ونهايته وأخرتها زعلتي
وكنتي بتبكي وثورتي وقولتي
هو الموت ليه راح يقفلها
قولت الموت بعدك دا بدايتي
قومت حضنتك
وقولت أن أبوكي
وقولت أنا مامتك
وﻻعمري أبدا راح أسيبك
مهما غلطتي ومهما عملتي
ومهما مشيتي برده هجيبك
مانتي بحور شطي وسفينتي
أنا عايش نفسي ألقاكي
وأوفي بجد بوعدي معاكي
وراح أمشي برده علي هواكي
ياللي سكنتي جوه ذاكرتي
ليه بتصدي وبعدتيني
ولغيرتي عليكي لومتيني
وقررتي إنك تنسيني
وبسرعه مشيتي وسبتيني
وخذلتيني
وفي بعدك عني قهرتيني
خنتي الوعد وبعتي عهودنا
راجعه تقولي سامحني ياعيني
راجعه تخوني تاني انسيني
اوعي تقولي أنا كل حياتك
ضعت أنا منك صدقتيني
واقف مهزوزه أركاني
نفسي تقول من تاني سامحني
واخدها تاني في أحضاني
وامحي آﻻمي
بس خلاص
خلصت حكايتنا
وضاعت مني كمان أحلامي
---------------------------------أحمد عبدالباقي
إرسال تعليق