صمـــــودك نادانـــــى * الشاعر / طارق زيادة (( طارق الشاعر ))

أبسط خلق الله الشاعر / طارق زيادة (( طارق الشاعر ))

(( صمـــــودك نادانـــــى ))
===============

عشان المحبة صمودك نادانــــى
أحكى الحكايــــة واعيد من تانى
واشرح فصولها ويا اللى فاكــــــر
وشاهد فصولها وعارف مكانــــى
=================

عدوك بيسرق حتى الحفـــــــــر
وكشر بقسوة لقلــــع الشجــــر
وصوب سلاحــــه ف قلب البشر
فاكــــر بقــــوة هيمحــــــى الاثر
=================

لازم نرده وما من سبيـــــــــــــل
غير انه بهزم ويصبح ذليـــــــــــل
وتفضل رايتنــــــــا جيل بعد جيل
مرفوعة دايماً ف ارض الامانــــى ::::::: عشان المحبة
=================

عشان فجــر ابيض لجل الوليـــد
اجمــع محبـــة لشمعـــك وقيـد
وابعت بريدك من نـــوع جديـــــد
لجل مايقـــرا الحاخام البليـــــــد
=================

ايات الاله فى اقصى المساجـد
ومهد الكنايس وجوه المعابــــــد
ف قبة لصخرة ليومنا دا شاهــد
ساعة ماصلى نبى الزمــــــــان ::::::: عشان المحبة
=================

فى الصف واقف وخاشـــع داود
وصلى وراه وعند الحـــــــــــدود
وهما النهاردة ف ضوء نجمتــــه
نسيـــوا وعــدوا لبــره الحـــدود
=================

تسرق ايديهـــم شهد الميـــلاد
وكحـــل الصبايـــا وأكـل الـــولاد
على وعد بلفور بارض الميعــــاد
والقدس عربى لأهلى وجيرانى ::::::: عشان المحبة
=================

عشانــه تهــون روح الشهيـــــد
وفــرح الصبايــا ودمــع الوليـــــد
وحرق الزتـــون بايدهم سنيـــن
ودفــن الحمــام وســط الجليـــد
=================

بس النهايـــة جايـــه ف كلامنــا
بيأمــر ايديهـــم ترفـــع علمنـــــا
وتخلع طاقيتهم تحيـــة لقدومنــا
وتشوف عيونهم حبى وحنانـــى ::::::: عشان المحبة
=================