سيد أفندى خد بطاقة التموين وراح يجيب حصة العيش من الفرن
ومشى يكلم فى نفسه ويقول اخيراً ربنا فرجها علينا ومافيش
سرقه تانى ومش هنقف طوابير تانى وصحيح كل فرد له خمس
ترغفه بس كويس احسن من الأول مع ان الخمس ترغفه دول
يادوبهم على قد الواحد على الفطار ولكن نص العمى ولا العمى كله
ووصل عمنا سيد أفندى الفرن ولسه بيحط يده فى جيبه ويطلع البطاقه
رد عليه بتاع الفرن وقال له مافيش عيش ياعم سيد انا خبزت الحصه
المطلوبه كلها واكتر شويه وماتخفشى ياعم سيد حقك هتاخدوا
سيد افندى قال له اخده ازاى . بتاع الفرن قال له اخر الشهر ياعم سيد
هتاخد مكانه شاى وسكر وزيت زى منته عايز من بتاع التموين
ودى تعليمات الوزير . سيد افندى قال له يعنى لو جعان اشرب شاى
ولا اعمل عصير ولا شوية ميه بسكر . ياناس إيه دخل الاكل فى الشرب
مع ان رغيف العيش بتاعكوا أد البرشامه ومع ذلك راضيين وكمان مش لقيينه
يعنى المفروض اروح اكشف عند دكتور عشان اخده بروشته من الصيدليه
ويبقه رغيف ثلاث مرات بعد الاكل ولا اخد العيال واروح الصيدليه واقول للصيدلى والنى رغيف فى العضل ويمكن يعملوا منه لبوس علشان الشعب
كله يلبس . الله يخرب بيت الوزير على بيت رئيس الوزاره على بيت العيشه
حرام عليكوا ياناس مافيش مسؤول يحل المشكله حل قاطع .
وانا عارف لو عملنا كل يوم ثوره مافيش فايده . صدقونى لن ينصلح الحال
طالما مافيش قابه
******************** مش كده ولا إيه **********************
مع تحياتى الشاعر
إرسال تعليق