اول خطاوينا
اول خطاوينا ابتدينا من الصغر
كنتى ليا فى السما اجمل قمر
كنت بسعد لما اشوفك
ولو تغيبى ليا حجه بيها اجيلك
والقلم كان حجتى
وانتى عارفه وساعتها يبان كسوفك
وكان منايا لما اشوفك ان ابوسك
ولجل اشوفك كنت بلاذمك دروسك
كنت بعمل الف خاطر
لو تجوعى كنت احس الم فى بطنى
ولما تاكلى كنت احمد انا ربى
والطريق لو كان طويل
كان منايا انى اشيلك
ليه كبيرنا والخطاوى اتفرقت
ليه كبرنا والامانى اتكسرت
ليه كبيرنا غصب عنا
وكل منا خد طريق
اول خطاوينا ابتدينا من الصغر
فاكره حاجه من مضينا
ولا ناسيه كل حاجه
فاكره لعبة العروسه
فاكره لعبة الحرامى
لما يسرق منى ماسه
النهارده اللى بيلعب الزمن
وانا اللى بدفع الثمن
وانا الفقر اللى اتسرق
وباع عمره بورق
مرسوم عليه شىء اتحرق
اول خطاوينا
إرسال تعليق