قُلْت ف داهيَه ... انا هاسْمَع إيه ؟؟
كُلّ القَنوات فيه مَشْغولَه
ب رَيِّس مصر اسم الله عليه
والمُذيعين ويَّا المُذيعات
كُلُّه بيرْمِىِ بَياضُه يا بِيِه
واللى موَضَّب غِنْوَه بتِوْصِف
فيه على إنُّه صَلاح الدِيِن
واللى يقول لَك لُوْلاه كُنَّا (...)
... وكُنَّا ازَّاى عايشين قَبْلِيِه ؟؟
وان مات (والأعْمار ف كتاب)
بعد وفاتُه هايحْصَل إيه ؟؟
هَنْمُوت يَعْنِىِ ؟؟ ماظُنِّش أبَداً
شَعْب يمُوت ب وَفَاة مَعالِيِه
وانا مُش ناكِر دورُه ولكن
باكْرَه حَدّ يألِّه فِيِه
ويحَسِّسنا انِّنا من غيرُه
ماكُنَّاش نِسْوا ثلاثََه مَلِّيم
وان كان هُوَّا ب جيشنا اتْمَجِّد
فَ بدُون جيش ناضِل حَمْدِيِن
وعلى ذراعُه ف لانْتِخابات
السابقَه محَصَّل بالمَلايين
وطَلَع ثالِث واحِد لَوْلا
التَزوير كان طَبْعاً هايعِيِد
وان عاد حمدين ويَّا شَفِيق
كان هَيْفُوز قَطْعاً حَمدين
لكن رَبَّك قَسِّم مُلْكُه
ورِزْق الهُبْل على المَجانين
وان كان تِلِيفزيونى اتْوَكِّل
فانا مَبْسوط طَبْعاً وحَزين
مَبْسوط لجْل دماغِىِ هايصْفَا
ومُش هايْشوف تانى مُنافقِيِن
وحَزين لجل الواد مَحْمود
وزياد واخْتُه ونُور الدِيِن
عاشقين عِشْق طُيور الجَنَّه
وهَبْليننا وبيقولوا عاوزِين
يعْرَفوا كَنْز خالِد مِقْداد
هايكُوُن مين الفايز بِيِه
إرسال تعليق