كان وكانت
_______
قلبي يللي تعبت من كتر المناهده
و خط سير العمر ماشي ف جمله واحده
كان بيحلم بس إنه يعدي ليها
وكان ناويها بس معرفش الطريقه
كات بريئه
بس ضل الخوف حاجبها
وأما قطر العمر سابها
شق سيف الشوق نصيبها
ولسه برضه الجمله ثابته ف كان وكانت
والحكايه المره دايما هي هي
قلبي يللي ملكش غير الحب متوه
ليه بتقوى
ليه معاند واحنا في السكه الأخيره
بكام ياعمر تبيعلي ضحكة لحد آخر الليل وانام
بكام ياعمر تبيعلي راحة قلب لو يوم والسلام
كله متفتت قصادي ف سقف اوضه
شاي سجاير
فيلم هابط
ماتش والحلقه الأخيره فكام مسلسل
لسه زي ماهو بس العرض حصري
واحنا من تتر النهايه نقول ياريتنا
خدنا لو يوم من اللي فاتو لحد بيتنا
لسه منديل الحقيقه مخبي دمعه البكر سرا
جوه جيبي
احضريني ف مره واتمشي ف وريدي
ملي شعرك من كتافي
امسحى الأوجاع بقلبي
بس لو يوم خاني طيفك
قربيني لحضن واحد
مره بس بلاش تغيبي
بقلمي ( احمد هلال )
إرسال تعليق