عربية
شعر /سعاد سعد
يا مسطريين القول
توهنا ف وسط سطور
ضاعت معانى الحروف
ومسكنا ف المسطور
بالعلم ويا العمل
سودنا دهور وعصور
علتنا صبحت ظروف
والحال بقى مكسور
سكن قلوبنا النفط
مرفوع بقى مجرور
شفنا حفاة القوم
بانين عتب وقصور
عشش نفوسنا الخوف
طب مين عليه الدور
اتحدوا طب ياعرب
تستنوا ليه مسرور
تايهين ما بين أضاد
ليه نكشف المستور
وزنى صبح هين
نفسي أعيش مجبور
مش بيكى هتعين
لازمنى أبات مستور
زاغت بنات فكرنا
م البص ع المارة
ليه العربس من هنا
مش جايلى من برة
يا خلق هووووه أسمعوا
شعرى ولو مرة
أبجد وهوز رسالة
إعراب ونحو وصرف
موزونة لغة الضاد
مش كله فتح وغرف
معووج لسان حينا
بلغات ونصب وشان
والله زمان نا جبر
سخرنا أهل الجان
القدس هتعوود لنا
مع إن أصبح كان
نرجع عبيد ربنا
اتجمعوا إخوان
الحق هيعووووود لنا
والمصطفى العدنان
ياخلق دا سرنا
نتحدي كل زمان
الف ولام مع ميم
تعجب لها الاكوان
شفتوا جمال حرفنا
آيات من القرآن
أرض الميعاد أرضنا
بركااات من الرحمن
إرسال تعليق