GuidePedia
سجن النفس:
سجن النفس هو السجن
يا غافل فالدنيا فيق و عيق
فيه لي فغار و يحس طليق
و لي فقصر و يحس بضيق
النفس المسجونة تتمحن
جرحها يكبر و يصير عميق
المال زينة كل شي يتمناه
يغرف منو و يبان أنيق
لما أعماقك تصاحب الهم
و فيه أحزان و أوهام
كي النيران فيها تّْضرم
يمكن لهاذ المال ما تسيق
يمكن به تلقى طبيب
يغرقك فدوايات بك ما تليق
ما عندك فمالك نصيب
من غير الرحمان الرحيم
ما كاين لي يعتقك من هاذ الضيق
يا عيني عليك يا نفس فالجحيم
تصرخي يتبسم العذااب الأليم
ما بقى عقلك فالحياة يثيق
الدنيا بصورة غول تبان
تحلم من الكابوس تفيق
لا نور الشمس يهمك
و لا جمال القمر بالليل
كي النجوم كي الغيوم
عايش سقيم عليل
الأيام بحال بحال
أ تبرا؟تقول محال
الأمل ليك يميل
تقول نعود طليق
الدمعة يائسة تسيل
من حر ذيك الضيق
ذايقة ذل و ويل
ترميك فبير عميق.
....................من توقيع/المهدي العمري.
Top
إرسال تعليق