بحيى الحكومة وعلى رأسهم
رئيس الحكومة ومين قدهم
سواعد اسود.. بهمة ونشاط
دة غير اللى فات من جهدهم
ولسه اللى جى يبشر بخير
سيادة المحافظ ..سيادة الوزير
بيبنوا الكبارى ف حوارى الغفير
ف اضيق مساحة وتحصل مناحة وتبقى مرتاحة
واحنا الأسير
جهد وعزيمة
ونيات سليمة
لا يمكن تلاقى واحد حرامى
او تظهر أسامى بتسهر ف سيمة
بتسهر وتتعب وتشقى ف اماكن
وزير الزراعة وزير المساكن
بتسهر تمللى ف قلب المكاتب
تقرة الجرايد وتعمل مقالاب
وتاخد ف اخر الشهر راتب
من مال الفقير الغلبان المواطن
وتتعب وتخدم جميع الفئات
من غنى..لفقير..لمسكين..شحات
وتسيب فقيرنا يشحت كتير
يلم ف كم القميص الدنانير
ويدعى بطول العمر للوزير
يارب رجعله عمره اللى فات
بحيي الحكومة بروحى وعينيا
وزير الصحة وزير المالية
على كل مستشفى فيها تجهيز
واحسن دكاترة بأيدها تنفيذ
دكاترة غلبت هولندا وباريس
يموت المريض مالوش اى دية
بحيى الحكومة على مجهودها الرائع
عدم الصناعة ..واهمال المزارع
تزرع وتقلع وتدى المواطن
مفيش اى مانع تفرق مساكن
وترفع ف سعر الحديد والمعادن
بدعيلها دايما" يسدد خطاها
وانا بركع وبسجد ف قلب الجوامع
بحيى الحكومة بدون اى خوف
بدون اى سوء ف اسوء ظروف
على رصف الشوارع
ورصف الرصيف
وزرع الموانع
ومنع الرغيف
وكنس الحوارى ف فصل الخريف
ورمى زبالتنا ف قلب الجروف
حكومة بدون مقابل
بدون عائد علينا
الكل منها واصل
بيدوسوا كمان فوقينا
متقولش الكل فاشل
دى حكومة ناجحة بينا
سقوطها شىء معروف
بتخاف دايما" علينا
من الهوا لو يطوف
اصبر ياعم حبة
وانظر بعين تشوف
ان الحكومة قادرة
بعدما جت بفترة
تغير ف الظروف
عشان تصبح ف صالحك
وان تغضب يوم تصالحك
ف السر على المكشوف
واياك تنطق وتعند
اسكت احسلك اسكت
دة الشعب خلاص هيشحت
طبعا" يادى الكسوف
بقلمى/ هانى السيد
من وحى اللحظة
15/8/2016
إرسال تعليق