هي دنيا
دنيا ودايره معاها السنين
زي الرحايا تطحن ف البني ادمين
عمرها مادامت لحد بس قولي
كانت دامت بس لمين
زمن يجمعنا بالحبايب
يصبحوا لنا ضي العين
وفي لحظة نتفرقوا
والقلب بعدهم يبات حزين
دنيا غدارة وزمن دوار
اذا ادانا بايد بياخد بالاتنين
يفوتنا ننعي على اللي كان
واللي كنا معاهم ف الهنا ديبين
وكنا نتمنى تدوم عشرتهم
ومحبتهم دوام السنين
لكنه قدر على الجبين مكتوب
خطاوي محسوبه شمال ويمين
نقرب ونبعد نعاشر ونفارق
وتدوم ذكراهم طول ماحنا عايشين
يسيبونا اغراب في دنيانا
نشتاق لهم ويدوبنا الحنين
نبقى بعد العزوه ولمه الحبايب
مع الوحده نتألم ويصاحبنا الآنين
هي دنيا واحنا فيها متغربين
بلاد تشيلنا وبلاد تاخدنا
وبين دي ودي بعدها مسافرين
ونتقابل تاني باللي غابوا عن دنيانا
في دنيا تانيه مافيها غربه ولا أنين
فبها لقا من غير فراق ولا اشتياق
فيها اخلاص ومحبة متجمعين
مافيها غدر ولا خيانه مش موجودين
فيها جنة اتمنينا نعيشها
ونتجمع مع الحبايب الغاليين
....…..............
إرسال تعليق