ليه ...وليه...وليه !
بقلم/اسلام جندي
................
ليه البسمة الصفرا اترسمت على
كل وشوش
وليه الصدق بقى محلي بكلام
مغشوش
والواد الصايع في حارتنا بقي ماشي
منفوش
وليه الخير في بلدنا لناس مخصوص
تلاقيها سكنه في عشتار وقصور وناس
في عشوش
وناس فطارها في طيارة بيجيها مخصوص
وناس فطورها وغداها ببصلايه وفول
مدشوش
وكل موظف شغال بضمير وبزمة
معندوش
والسارق ماشي بيتمختر ومربي
كروش
واعلامنا المقروء و المرئي ياااه أصبح
فنكوش
وكلام الليل تسمعله ياسلام ' والصبح
متلأهوش
والعامل مش لاقي اللقمة وضهره اصبح
محشوش
وشبابنا امل المستقبل تجي تنصح
فبكل رزالة وبرود يعمل
مطروش
والشاب الطيب الماشي في سبيل حاله
بكل هدوء ورزانه بيقولوا عليه دا خيخه ومالوش
خربوش
والواطي ضميره في الازمة بتباع
ببلا ش
وامام المسجد فوق المنبر يجي عند الحق
ميوضحهاش
ودا تاجر جملة وقطاعي بيببع في كلام
لتجارة مغشوشة ومعاه ملايين ودا واد
هباش
وعيال سريحة من النجمة بتلف تدور وكأنه
ماتور بتجري تلف على عيشها مترح ما يروح
وفي آخر الليل يجي مرمي على سريره ومن تعبه.
ما يتعشاش
ودا جندي واقف في ميدانه بحرس بلده
وزمامه وكلاب مسعورة بتخطط للماته
ولايدراش
والقطرالمجري من حزنه أهو هدى واصبح
قشاش
وكل حرفي عشان قرشه يزيد في صناعته
أصبح غشاش
وكلام الوزرا بيتنفذ قرآن لا معارضة ولا
حتى نقاش
وكل عضو في المجلس بيضلل واكبر
بكاش
والطفل النونه عين أمه من صغره شاف
أبوه حشاش
وصديقك الانتيم ان جتله الفرصة ليبيعك
ببلاش
وصوت الحق أصبح مخروس وصداه للناس
مبأااش
......................
"اسلام جندي"
إرسال تعليق