انا السكران بلا خمر
وكاسي بدمعي اهو مليان
يعدي الليل وانا بشكي
لروحي من روحي
واللي كان
بلاقي الاه معنداني
بلاقي دموعي سبقاني
ولا عمري اشتكيت وجعي
ولا قولت اه تعبان
بس الاه دي سكناني
مابين سطور عمرك
اتكتب عليك احزان
ما تشوف الفرح لو ثانيه
تدور عليه ما يبان
انا السكران وكاسي
دا اللي كان مليان
شربت الخمر مسكرتش
متوهنيش غير الاحزان
افكر فيها ماهي دنيا
بتحدفنا وترمينا
في اي مكان
تفكر فيها رح تتعب
وتلعب معاها
اهي تلعب
ويما غلبت الانسان
تهت خلاص في احوالها
اسايسها
اداديها
وغنلها
تقول بجد صحيح غلبان
طب اعمل ايه انا فيكي
مداديه بداديكي
عملت كل شئ ليكي
اتاري العند ماليكي
وانا السكران وكاسي
من الهوي مليان.
كلمات/ صلاح الطوخي
إرسال تعليق