مش ذنبي
مش ذنبي اني مش شاعر
معرفش أقول بالوزن والقافية
بأكون ع البعد مش قادر
وأشوفك أقول وحشاني بالعافية
وأعمل نفسي مش فاكر كلام قلناه
وأنا حافظه كغنوة للعندليب دافيه
وبعمل في الغرام شاطر
وأطمن فيكي لو خايفه
وياما اتمنيت أكون لك رامي ولا نزار
أقول وأكتب وأرسم م النجوم أشعار
وأداري كسوفي مع خوفي
وفي عيونك أكون بحار
وأعمل للغرام طايفه
وأغزل من حروف إسمك 200موال
ولو هافضل سنين العمر أقول فيكي
يدوب هاكمل العنوان
يا طاقة نور في ليلة قدر ليا تبان
يا حلم العمر أنا المسجون
وبعشق خطوة السجان
لكن قولي لي أعمل ايه
لا أنا شاعر ولا فنان
ولا يوصف غرامي كلام
ولا تقدر بحور الشعر
فيكي يوم تكون كافيه
ومش ذنبي
------------------------
كلمات. طالبه الغفران حسين
نجاة منصور
-------------------
إرسال تعليق