حيفا
،،،،،،،،،،،،،،،،،
ما في حدا الا الو فيكِ
ذكرى بقلبو وعم يغنيك ِ
انت ِ عروس البحر والموجات
فرقة موسيقى ع شواطيكِ
وسيدي الخضر حبك الك بالذات
مقامو مناره وعم تضويكِ
والرب شو خصك بهالحلوات
وصب الحلا كلو بروابيكِ
وبقلوبنا عشتي مع الخفقات
وكذب اللي قلك يوم ناسيكِ
وع خدودنا عم تكرج الدمعات
تخمين مشتاقه لْ اراضيكِ
والكرمل العالي مع النجمات
نهداتهُن عما تحا كيكِ
وعم تعزمينا الكل ع السهرات
ونحنا قتلنا الشوق نتلاقا
تا نعيش ليله من لياليكِ
،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
إرسال تعليق