"من المبكيات المضحكات " بقلم اسلام جندي

"من المبكيات المضحكات "

..........................................................................

خلي شويه ياواد لمك '

خلي شويه لبوك '

دا بيقولوا والله ما فطرنا '

دا بيقولو والله بنجوع ،

-------------------

مش كل حاجه تجي في ايدك '

تروح تديها لام جاموس '

فاكر يعني هي هتشكر '

والله بكره تدوسك دوس '

دي لوجاعت يوم ،

راح تكلك لقمه وي غموس '

--------------------

خلي شويه ياواد لمك '

خلي شويه لبوك '

رايح برده تجري وتنهج ،

ورا بياع العرق سوس'

فاكر ان صفيحه هتكفي،

تملى بطن ام جاموس ،

لا والله دا ممكن ، 

تشرب مصرف بحر حادوس '

----------------------

خلي شويه يا واد لمك '

خلي شويه لبوك '

دا بيقولوا الواد ، دا جحود ،

كل حياته ام جاموس،

دا ابوك من مرضه نايم ببكي '

نفسه حتى في فول مدشوش '

وامك دايره جوه ساقيه '

ولا في جيبها اي فلوس '

سيبك بقى...من ام جاموس '

خلي في عينك حصوة ملح '

خلي في وشك شيء من الدم '

واشتري لمك كيلة قمح '

--------------------------------

اسلام جندي

--------------------------------