تهييسات
قالوا شعرور عمل منشور
حفره له كلمتين ف ديوان
وصورة بنت بالالوان
جري بالوكسة سجلهم
وسبق السفها تهليلهم
قالوا له سابق الشعرا مزين شعره بالخضرة
ياعم الخضرة للمحشي
حمارك ده ما يفلحشي
قالوا لي الحقد من طبعك
بتسقي السم من نبعك
حتفضل تحت تحت الارض
وشعرك مالوه طول ولاعرض
تقولش شعري ده عشة ناقصها الفرخة والقشة
ياعم الشعر مش كلمات كما أوزاني مكسورة
ده اصل الشعر صوت لاهات
بتجري تسبق الصورة
ولو كان الميزان بالعدل لباعوا الكلمة بالتورة
فما يهمش كلام مسموم يكون ضدك
مادام القلب حيمدك بكلمة تحضن المعنى
وتقطف م القمر حسنين
ولو تصفي القلوب م الغل
بتحلى الدنيا لو بالدين
تهييسات الشاعر السيد عبد الجابر
إرسال تعليق