روحوا قولوا للي غايب / بقلم الشاعر سيد صادق

روحوا قولوا للي غايب ..
اللي يرجع يبقى خايب ..
طعم الليالي مر ... علقم
مرر من كتر المصايب .
و بنخرج من حفره ل حفره .. 
احلامنا بهتانه و صفرا ..
أمامنا تمللي مقسمنا ..
ناس ف الجنه و ناس كفره ..!!!
مشيلنا من الهم زكايب .
و بقينا بناكل بعضينا ..
و محدش بقي مالي عنينا ..
عايشين فوق مركب بيكركب..
مش عارف يرسي على مينا
اكمن الحبل كمان دايب
و الموت بقى أسهل م السهل ..
والجهل بيخلف جهل ..
و أخلاقنا دابت ف الفوضى ..
لاتنين بقوا صحبه و أهل
و ماشيه سايب ف السايب

سيد صادق