بطة وقطة / بقلم الشاعر بهاء اللبودي

#بطة_وقطة

هنقول غنوة سوا من غير
طبلة و رِق و دوشة كتير
كده بالنغمة سوا هنطير

بس انا عايزك تبقى نمير
فتح عينك قول يا بصير
سلك سمعك يصفى حرير ..
...
عدت بطة ويا القطة
نطت نطة
انا جاتلى زغطة
وقلبى اتشعلق بالامامييير
أصبح كده انا وضعى خطير ؟!
..
طب عدت وزه بصحبة رزه
وعملوا مظاهرة فى التحرير
قلبوا الدنيا هناك اعاصير
يبقى انا كده مش فاعل خير ؟!
...
دنا والله بحب البط
وزى مقامه حدايا الوز
فوقها انا برضو حكيم مش خم
ولاا شايفنى بروته يا عم ..
دنا من يومى وحامى الدم
..
انا هفطر بط .. و اتغدى ب وز
اما العشا بأه
تونة مجنونة مع ربطة خس ..

#بهاء_اللبودى