بسمة مريم
من تحت السلم طل النور
زقزق عصفور
نزِّل شنبات الدنيا الأرض
بالطول والعرض
أنا بنت صحيح
بس تساوي أكتر من ألف
من غير لف
شدّت عزم الصف
قام اتْصف
وادَّاها سلام
مريم واخترنا الإسم
مريم بالذَّات
فين الواد يا أم الحمامات؟
المرة الجاية وجي الواد
من جوة اللفة
ردت عين البنت وقالت
مهما الدنيا يابويا
اتحطت
أو يوم شالت
هرفع راسك
زي الواد
أعلى وأعلى يادي البت
مليون راجل
مش هيساوي لضفر البنت
الشارية علام
أصل العلم طريق قدام
يفرش أرض الدنيا بنور
فجرك طالع يا عصفور
يرسم بسمة مريم فوق
وش الشمس
الطالعة يا مصر
وسط الضلمة يا مريم
قدتي النور
سامح لطف الله
إرسال تعليق